Администратор

фев 16, 2026

 

Народны ансамбль народнай песні “Кемяліна” філіяла “Кемелішкоўскі сельскі клуб” ДУ “Астравецкі раённы Цэнтр культуры і народнай творчасці” створаны ў 1995 годзе. У склад калектыву ўваходзяць настаўнікі, служачыя, пенсіянеры. У сваёй творчасці народны ансамбль абапіраецца на багатыя песенныя беларускія традыцыі Прынёманскага краю. У рэпертуары народнага ансамбля беларускія народныя песні, вакальна-харэаграфічныя кампазіцыі, створаныя па беларускіх абрадах, а таксама рускія, украінскія народныя песні, творы беларускіх і рускіх кампазітараў.

         Калектыў шмат гастралюе і выступае на мерапрыемствах рознага ўзроўню. Яго добра ведаюць у горадзе, раёне, вобласці, рэспубліцы і за мяжой. Кожнае выступленне народнага ансамбля адрозніваецца навізной і разнастайнасцю рэпертуарнага матэрыялу, адточанасцю рухаў і прыгожым спевам яго ўдзельнікаў. Дзейнасць народнага ансамбля ўносіць вялікі ўклад у развіццё мастацкай аматарскай творчасці на тэрыторыі Астравецкага раёна, Гродзенскай вобласці з мэтай захавання традыцый народнай самабытнай культуры.

         Дасягненні і ўзнагароды народнага ансамбля народнай песні “Кемяліна” за апошнія гады:

2023 год – VI міжнародны конкурс выканальніцкіх відаў мастацтваў

 “СЯБРЫ - 2023” (г.Мінск), дыплом лаўрэата I ступені;

2023 год – рэспубліканскі фестываль харавога мастацтва “Пеўчае поле” (г.Мядзель), дыплом II ступені;

2023 год – абласны фестываль народнага мастацтва “Аўгустоўскі канал у культуры трох народаў” (Гродзенскі раён, шлюз Дамброўка, дыплом за ўдзел);

2024 год – адкрыты конкурс аматарскіх харавых калектываў і вакальных ансамбляў “Кавер. Хор. Шоу”(анлайн, 2024, г.Гомель, дыплом за ўдзел);

2024 год – I адкрыты дыстанцыйны фестываль – конкурс “Зажигаем звёзды” (анлайн, 2024, г.Астравец, дыплом лаўрэата I ступені);

2025 год – III Усерасійскі конкурс талентаў “Трыумфы Расіі” (анлайн, г.Масква, дыплом лаўрэата I ступені);

2025 год – адкрыты харавы фестываль – конкурс “Лідскі ХОР-ФЭСТ”(верасень 2025, г.Ліда, дыплом лаўрэата I ступені);

2025 год – абласны фестываль-кірмаш працаўнікоў вёскі “Дажынкі - 2025” (верасень 2025, г.Ваўкавыск, дыплом за ўдзел).

Администратор

фев 16, 2026

Народны ансамбль народнай песні “Світанак” быў створаны ў 1987 годзе. Яго творчым стваральнікам і першым музычным кіраўніком стаў настаўнік дзіцячай музычнай школы – Лянцэвіч Аляксандр Сцяпанавіч. У 1993 годзе калектыў атрымаў ганаровае найменне “народны”. У 2023 годзе народны ансамбль народнай песні “Світанак” атрымаў пацвярджэнне наймення “народны”. З 2024 года кіраўніком ансамбля з’яўляецца Ткачук Ганна Сяргееўна.

Калектыў народнага ансамбля народнай песні “Світанак” складаецца з 11 чалавек. У калектыве займаюцца сумеснай творчасцю актыўныя, ініцыятыўныя людзі, якія аб’яднаны любоўю да народнай  музыкі і спеваў.

Асноўнай мэтай дзейнасці калектыву з’яўляецца захаванне, развіццё і папулярызацыя народнай песні і традыцый.

На рэпетыцыях вялікая ўвага надзяляецца якасці выканання вакальных партый. Вядзецца індывідуальная праца з кожным удзельнікам. Не менш важная ўвага надаецца пастаноўцы харэаграфічных замалёвак. У рэпертуары калектыву адлюстравана багатая і шматлікая песенная і музычная спадчына беларускага народа.

Дасягненні і ўзнагароды:         

2024 год - дыплом лаўрэата 1 ступені міжнароднага фестывалю мастацтваў Славенія-2024;

2024 год - дыплом лаўрэата 3 ступені міжнароднага фестывалю мастацтваў Славенія-2024;

2024 год - ГРАН-ПРЫ міжнароднага фестывалю-конкурсу творчасці "Снежная сімфонія" (г.Екацярынбург Расійская Федэрацыя) Дыплом лаўрэата III ступені Міжнароднага конкурсу;

2025 год - Лаўрэат 1 ступені VI Міжнароднага фестывалю-конкурсу “ Арт-парад у Віцебску”;

2025 год - Лаўрэат 1 ступені III Міжнароднага шматжанравага патрыятычнага конкурса “Таленты Айчыны-2025” (анлайн, г. Масква);

2025 год - Лаўрэат 1 ступені і намінант на Гран-пры XI Рэспубліканскага адкрытага конкурсу маладых выканаўцаў “Беларускія таленты-2025” (г. Мінск);

2025 год - Лаўрэат II ступені ў XIX Міжрэгіянальным конкурсе беларускай творчасці “Ад Палесся да Сібіры нясіце, буслы, вясну!” (анлайн, г.Навасібірск);

2025 год - Лаўрэат II ступені ў XI Міжнародным фестывалі мастацтваў “Новыя вяршыні-2025” (г. Мінск);

2025 год - Пераможца (1 месца) II Пецярбургскага Міжнарожнага конкурсу “Калейдаскоп нацыянальных культур” у рамках III Міжнароднага фестывалю культурна-гістарычнай спадчыны “ Дружба народаў – Адзінства Расіі” (г. Санкт-Пецярбург);

2025 год - Дыплом Гран-пры Міжнароднага конкурсу народнага вакалу “Яго вялікасць Фальклор!” (г. Масква);